O desta tarde en Coirón (19 horas) é un deses partidos cruciais na folla de ruta do Asmubal Meño cara a súa permanencia na División de Honra Prata Feminina. Co factor cancha ao seu favor frente a un Lanzarote Zonzamas ao que supera en precario en tres postos na zona media-baixa da clasificación, empatados a 6 puntos. De feito, explicaba onte o adestrador do Asmubal, Víctor Garrido, tratáse de dous conxuntos moi semellantes no seu potencial, con dous planteis curtos, que no caso do cadro insular aparece liderado pola lateral esquerda Sara León e pola súa irmá María, pivote. Garrido manexaba na véspera un longo listado de dúbidas nas figuras de Victoria, de Sara, de Erika, de Laura e mais de Raquel.
O Rasoeiro xoga en Chapela
Na Primeira Estatal Masculina, o Calmear Rasoeiro desprázase á cancha do BM Chapela, sexto clasificado. Fano os homes e compañeiros de Kito Parada obrigados a gañar, afundidos na táboa tras sete derrotas consecutivas.