Dobre partido do E. Otero en Cataluña, e derbi arousán entre Cambados e Liceo


A cuarta xornada das Ligas Nacionais de tenis de mesa ofrece esta fin de semana un interesante programa de partidos. Comezando polo dobre desprazamento do Establecimientos Otero a terras catalanas na División de Honra.

O cadro cambadés mídese hoxe o Borges, terceiro clasificado con tres victorias noutros tantos encontros liderado polo chinés Chao Zhang e o ex Súper División de Honra José Luis Andrade. Mañá o rival será o Igualada, penúltimo na táboa con tres derrotas. O E. Otero, pola súa banda, é sexto logo de gañar o seu único partido disputado.

Na Primeira Nacional, o Caixanova Cambados exerce hoxe de anfitrión do Liceo Casino de Vilagarcía. Alexis Tovar, Ñajo Padín e Fernando Padín tentarán igualar na metade da táboa a un cadro liderado polo ucraíno Sergei Nigeruk. O choque, a partir das cinco en Santo Tomé.

O Liceo Casino Sénior, colista da Segunda Nacional, busca en Vilagarcía á mesma hora a súa primeira victoria, co Arteal de Santiago como adversario.

Polo que respecta á canteira do Cambados TM, esta é a súa fin de semana: CTM Lalín-Grupo Barros; AD Vincios-Charol Complementos; e Charol Complementos-Joyería Enrique (Primeira Galega); e AD Porto Meloxo-Chinelas (Terceira Galega).

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Dobre partido do E. Otero en Cataluña, e derbi arousán entre Cambados e Liceo