«Queremos volver a crear o grupo de baile de Rubiáns»


A asociación veciñal e cultural O Souto ten só tres meses de vida. Parece pouco tempo, pero abonda para comprobar que conta co respaldo do pobo de Rubiáns. Os máis de douscentos socios que ten, e a boa acollida dos actos que xa organizaron así o din. Xurxo Abuín é o seu presidente e unha exposición de motos vellas a vindeira actividade.

-A exposición inaugurase o xoves. Como xurdiu a idea?

-Contactaron cun dos compañeiros e decidimos organizala.

-Cales son as intencións de «O Souto»?

-Defender os intereses da parroquia e incidir no tema cultural. Queremos que a xente de Rubiáns se una para traballar de forma colectiva.

-Que cousas fixeron a cales son os seus proxectos vindeiros?

-O primeiro que fixemos, antes de crear a asociación, foi celebrar o san Xoán. Despois, inauguramos o centro cultural cun concerto de 7 setenta (no que eu toco), vimos de pechar unha exposición de fotos de Rubiáns e agora teremos a de motos vellas. Queremos potenciar o grupo de gaitas e volver a crear o grupo de baile.

-E de axudas institucionais como andan?

-Ata o de agora non temos queixa. Cando invitamos ao grupo de goberno á inauguración viñeron a alcaldesa e o concelleiro de Cultura. Estamos agardando a ver que paso o ano que ven co asunto dos cartos. Os deste ano foron para as mulleres rurais.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

«Queremos volver a crear o grupo de baile de Rubiáns»