19 jun 2006 . Actualizado a las 07:00 h.
A directiva do Básket Base Club anunciou onte a contratación do ex xogador do Inelga Cefrico Iván Villar como coordinador da canteira da entidade. O secretario do BBC, José Luis Renda, explicou que a incorporación de Villar resposta ao novo proxecto para a base do club, co que «queremos conseguir a medio prazo, catro, cinco ou seis anos, invertir a proporción de xogadores foráneos e canteiráns no primeiro plantel». Iván Villar, bo coñecedor do club e con titulación de adestrador e INEF, será o encargado de capitanear este ambicioso proxecto tras colgar as botas.