Lorena Díaz, de Sala 5 en Viveiro: «Walkfit é deporte, diversión, emoción e enerxía positiva, con baile e música»

La Voz

VIVEIRO

26 may 2022 . Actualizado a las 13:18 h.

Este domingo 29, Lorena Díaz (Sala 5 Fitness & Bienestar) estrea nova actividade que busca facerse un oco no calendario. Organiza o I Walkfit empezando en Viveiro pero aberto a facerse en calquer concello. «É como unha camiñata de entrenamento ao aire libre _explica ela_ que se fai en grupo. Walkfit é sinónimo de deporte, diversión, emoción e enerxía positiva. É así como me gusta definilo. É como se a propia cidade, neste caso Viveiro, fose un ximnasio. É unha ocasión especial para manterse en forma, disfrutar da cidade e á vez do deporte. O innovador é que todos os participantes van ir conectados a min a través duns auriculares inhalámbricos que alcanzan moita distancia, grazas aos cales van escoitando a música e a voz do instructor».

Regístrate gratis y recibe cada mañana en tu correo las principales noticias del día

—Canto tramo se percorrerá?

—A distancia aproximada que se recorre é duns seis quilómetros. As calorías queimadas serán en torno a 500. Teño previsto saír da explanada da Pizzbur o 29, ás 10.00. Tardaremos dúas horas en volver.

—Non é só camiñar, verdade?

—En determinadas zonas, tanto da periferia como do propio centro de Viveiro, vai haber unhas estacións con material alternativo que os participantes van ter que usar, tamén para bailar comigo, pero é un material «sorpresa».

—Hai límite de prazas?

—60 prazas. É un evento único. Se sae ben, anualmente repetirase. Agradezo ao Concello de Viveiro a colaboración que tivo comigo dende o primeiro momento. O custe de participación é de 15 euros. Para inscribirse, hai que chamar ao 622 170 260. É aberto a todo o mundo, sexa ou non de Viveiro, a partir de 10 anos.