Veciños de Barreiros poñen nome a cantís con formas de animais e obxectos
10 feb 2020 . Actualizado a las 05:00 h.A imaxinación non ten barreiras: o zoo pétreo da costa barreirense é auténtico. Os sendeiristas que camiñan dende a praia de Arealonga en Reinante ata a de Fontela en Benquerencia, recoñecen todo tipo de figuras, rochas labradas durante millóns de anos.
Custa velas, pero están aí.
A primeira rocha entre Arealonga é a Punta do Castro, coñecida como a Pena da rá ou do sapo.
Despois da praia das Pasadas e antes de chegar á de Lóngara, outra rocha coñecida como O elefante.
Entre as praias de Lóngara e Fontela, na parroquia de Benquerencia, podemos ver como a erosión ocasionou unha entrada ( cova ) coñecida como A Campá.
Seguindo, a poucos metros, podemos observar un suposto Mono, bautizado por algún veciño como O homo sapiens.