«O xoves recolléronnos 7.100 litros de leite, pero o sábado non se sabe que vai pasar»
RIBADEO
Fran Castro, xerente da explotación Alambreros, S.C., da Devesa, en Ribadeo, analiza o estado do paro do transporte
25 mar 2022 . Actualizado a las 05:00 h.O paro do transporte continúa provocando moita inestabilidade e incertezas en diferentes sectores da Mariña coma o gandeiro. Fran Castro, xerente da explotación Alambreros, S.C., situada na Devesa, no concello de Ribadeo, puido dar saída este xoves ó leite que tiña acumulado nos tanques logo de ter que tirar 7.000 litros o pasado sábado debido á falta de transporte. «Hoxe [por onte] recolléronnos 7.100 litros de leite, pero o sábado non se sabe que vai pasar», indicou o gandeiro, que vende a Lactalis. Segundo abundou, gandeiros da zona de Ribadeo e Barreiros enviaron onte miles de litros de leite grazas «a unha especie de corredores que se fixeron para sacar o leite e traer penso para os animais». «Veu o leiteiro de sempre e foi o que nos explicou», engadiu Castro, cuxa gandeiría ten noventa vacas. «É certo que quedei aliviado, pero sigo moi preocupado porque vemos que hoxe [por onte] si nos recolleron o leite pero isto non colle aínda camiño...», reflexionou sobre unha posible solución definitiva a un paro patronal motivado polo fortísimo encarecemento dos carburantes como consecuencia da guerra de Ucraína.
Sen gasóil a domicilio
«Outra cousa que está pasando é que non serven gasóil a domicilio, aínda que imos amañando porque o podemos ir buscar nós», sinalou Castro, que destaca que por agora non tiveron falta de penso para os animais posto que a antiga cooperativa Os Irmandiños (actual Clun) continúa abastecendo a todos os socios dos subministros que precisan.
Fran, un ganadero obligado a tirar 7.000 litros de leche: «Chorei como un neno»
Fran Castro adora la ganadería. Lo reconoce y lo proclama, porque es su vocación y su pasión. «Dende neno, en canto chegaba do colexio o primeiro que facía era subirse no tractor», comenta su madre, de quien heredó la profesión. Por eso se entiende mejor el mal trago que pasó el sábado, cuando -con los tanques a rebosar y teniendo que seguir ordeñando a sus vacas- se vio obligado a tirar 7.000 litros de leche al no haber servicio de recogida por la huelga del transporte. Fue un golpe más allá de la pérdida económica, que tocó el sentimiento y que refleja la situación de muchos ganaderos: «Ó ver caer o leite chorei como un neno».