Mónica Justo, ilustradora ribadense: «Quero aportar algo novo ao público»

Abre este venres unha exposición no parque de San Francisco, ata o 23, con obras súas


RIBADEO / LA VOZ

A mostra de Mónica Justo permanecerá aberta na antiga Oficina de Turismo, de 19.00 a 21.00 horas de luns a venres, de 12.30 a 14.00 e de 19.30 a 21.30 os sábados e de 12.30 a 14.00 os domingos.

-Ao entrar na súa web atopamos unha frase que debe ser moi importante para vostede. Fala de que a arte é a súa forma de interpretar as aprendizaxes que lle transmite o mundo.

-Gústame ver o entorno, e despois inténtoo transformar. Son cousas que teño aí, dentro, maneiras de ver a vida. A xente dime que é moi emotivo ou sentimental, pero eu fágoo porque me sae así. É a miña visión, por exemplo, dun paseo pola praia e gústanme cousas… Inspíranme, calquera cousa pode ser inspirado. Para min é importante ter retos. Se ti tes marcados uns proxectos, aínda que sexa algo persoal é importante. É importante seguir unha guía de proxectos aínda que a inspiración sexan outras cousas. Poñer metas é clave. É mellor poñerte co papel diante e aí saen as cousas. Unha cousa leva a outra...

-Arte moi relacionada con Ribadeo, os edificios ou os Cocos e Cabezudos. A vila é un dos seus puntos de inspiración?

-Ribadeo é o meu entorno, nacín aquí. A paisaxe forma parte de min. Estou acostumada a ese entorno, ás rúas, á paisaxe… Lévoo dentro e polo tanto inspírame. As paisaxes que miro son as que teño diante, polo tanto, como a realidade pois saco outra volta disto.

-Retrata tamén a realidade social, como na ilustración das mariscadoras ou o das formigas que venden a casa...

-Todo forma parte da vida e, aínda que o público sexa infantil, pois a realidade existe. Gústame facelo, pero é algo que me sae o de dar un toque de atención sobre as cousas. O que quero dicir... pois dígoo. Cunha ilustración podes ver as cousas doutra maneira. Os cativos non son tontos, deben saber as cousas, é importante crecer sabendo que as cousas están aí... Non se pode vivir nunha burbulla.

-Cal é a realidade social das artistas?

-Depende moito. Supoño que moi ben viven catro. Podes vivir, sen grandes alardes, pero non quere dicir que se es artista es pobre. Ao final o teu obxectivo é aportar algo a outra xente. Penso que no ámbito da ilustración estamos nun bo momento, estamos moi presentes porque se pode aplicar a moitísimos ámbitos, dende publicidade ata contos infantís. A estética chama a atención, e iso gusta á xente. Mesmo en redes sociais, calquera texto sen imaxe non tira o mesmo.

-Busca educar dende a arte?

-Coa ilustración podes transmitir calquera cousa. Non pretendo educar a ninguén, pero intento dar tamén unha aportación non so como divertimento. Hai un fondo que se debe transmitir tamén. Non pode ser todo forma estética, temos un fondo e como ilustradora transmites unha idea, que sexa atractiva e tal, pero o importante é a idea.

-Como é esta exposición que abre agora en Ribadeo?

-É a primeira que fago. Chegou un punto no que xuntei xa moitos traballos e penso que pode funcionar. Pois nela reúno ilustracións de todo tipo dende cousas feitas por encargo ou feitas por min. Busco chegar, aportar algo máis ao público. Tamén dar a miña visión e aportar algo novo ao público, un aprendizaxe.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Mónica Justo, ilustradora ribadense: «Quero aportar algo novo ao público»