A Xunta non aproba a modificación urbanística feita no Valadouro para crear o polígono industrial

«A situación é perfectamente corrixible», sinalan dende o Goberno galego


o valadouro / la voz

O servizo provincial de Urbanismo en Lugo informou negativamente a modificación puntual das Normas Subsidiarias Municipais do Valadouro, «pola que se pretendía reclasificar varios terreos para crear un novo parque empresarial neste municipio», din.

A Xunta explica que «non se opón a que O Valadouro poida ter solo industrial e comercial, máis ao contrario, o plan sectorial de ordenación de áreas empresarias de Galicia, elaborado pola administración autonómica no ano 2014, xa reservaba daquela espazo para crear este polígono. O problema está en que o Concello do Valadouro decidiu modificar unilateralmente o emprazamento do futuro parque empresarial para situalo noutro espazo próximo pero diferente, o que contradí a normativa vixente e impide que se poida autorizar un novo parque noutro punto distinto do inicialmente previsto».

«O Concello do Valadouro xa coñecía desde febreiro do ano 2018 que se estaba a producir esta incoherencia. Con todo, a situación é perfectamente corrixible», sinalan.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A Xunta non aproba a modificación urbanística feita no Valadouro para crear o polígono industrial