Aragón olla cara a olería da provincia de Lugo

Laura López LUGO / LA VOZ

MONDOÑEDO

Algunhas das pezas que Canaveira levou a Huesca
Algunhas das pezas que Canaveira levou a Huesca

A asociación ceramolóxica Canaveira exporá pezas nas xornadas de cerámica de Huesca

01 oct 2021 . Actualizado a las 05:00 h.

Do 1 ao 3 de outubro • Morillo de Tou (Huesca) • 

A olería da provincia de Lugo será a protagonista das 17 Jornadas sobre Alfarería y Cerámica Tradicionales que se celebran ata o domingo en Morillo de Tou (Huesca). A asociación ceramolóxica galega Canaveira, con sede no Corgo, foi convidada pola organización das xornadas aragonesas para expor pezas e falar das singularidades da cerámica de Bonxe, Gundivós, Mondoñedo e Samos.

A exposición quedará inaugurada esta tarde e mañá comezarán coas charlas. Ás 11.00 horas intervirán Hixinio Flores, Gerardo Caldas e Manuel Fernández, de Canaveira, coa charla «Formas tradicionales de la cerámica popular gallega (Lugo)»; e ás 19.15, será a quenda do arqueólogo Óscar Lantes, que falará sobre «Estudios de cerámica desde la arqueometría y la arqueología: jarras de Augas Santas, Anforetas de Indias y alfarería tradicional de Bonxe».

Morillo de Tou é un pobo rehabilitado dos Pireneos, que conta cun museo de alfarería e onde cada ano se dan cita expertos alfareiros de todo o país: hai mercadiño, un sistema de identificación de pezas, exposicións, charlas... «En Aragón había moitos centros alfareiros e hai moitos coleccionistas, así que se xunta xente con moito interese e inquietudes», explica Manuel Fernández.