A banda e o coro da Escola de Música de Lourenzá, este domingo con Xela Arias

O Día das Letras Galegas deixou esta semana especialmente na Mariña unha morea de actos que aínda se prolongaron esta fin de semana coma o teatro en Viveiro, o concerto da Banda Municipal de Música de Ribadeo ou o espectáculo de Caxoto ofrecidos este sábado. Pero queda outra cita máis programada para a xornada do domingo, dende Lourenzá, onde haberá un recital poético e un concerto no que participará a Banda de Música laurentina máis o coro da escola de música que se encargará de ler poemas de Xela Arias, homenaxeada este ano. A cita será ás 13.30 no quiosco da música do Cantón. Tamén se dará lectura ás poesías premiadas no certame local.

---

---

---