O antigo mestre e estudoso Manuel Román, pregoeiro da XXIX Festa da Faba de Lourenzá

La Voz LOURENZÁ / LA VOZ

LOURENZÁ

09 sep 2019 . Actualizado a las 22:47 h.

A Festa da Faba de Lourenzá comeza os seus preparativos. Malia que aínda falte case un mes para degustar o produto, xa se sabe quen vai ser o encargado de pronunciar o pregón co que comezará a XXIX Festa da Faba de Lourenzá: o mestre e estudoso da historia local Manuel Román Ramos. Coñecido popularmente como Manolo das Cartas, Román publicou varios libros e estudos sobre a orixe do mosteiro de San Salvador ou sobre a figura do Conde Santo, entre outros temas de interese na vila de Lourenzá. É por isto que Román é un destacado colaborador na xornadas de historia local que organiza cada ano o Concello. Dende este organismo, a través do concelleiro de Cultura Manuel Arango, manifestouse que «é un luxo que Manuel Román aceptara ser o pregoeiro nesta edición da Festa da Faba».