O BNG pide que se dote de pediatría a Alfoz e Valadouro e su cubran vacantes na Mariña
O VALADOURO / LA VOZ
FOZ
Daniel Castro indicou que a falta deste persoal facultativo na Mariña é «un problema que vén de longo, con eivas xerais que se dan en case todos os concellos da comarca»
18 feb 2021 . Actualizado a las 20:01 h.O BNG reclama á Xunta que dote aos concellos de Alfoz e O Valadouro do servizo de pediatría e cubra as prazas vacantes que existen actualmente na mesma especialidade nos Concellos de Xove, Cervo, Ribadeo, Barreiros, Lourenzá e tamén en Mondoñedo.
Nunha pregunta formulada na comisión de Sanidade do Parlamento galego, o deputado Daniel Castro indicou que a falta deste persoal facultativo na Mariña é «un problema que vén de longo, con eivas xerais que se dan en case todos os concellos da comarca».
Neste sentido salientou a situación do servizo nos municipios de Mondoñedo, Lourenzá e Barreiros, que comparten unha mesma profesional pediátrica que traballa de forma alterna nas tres localidades.