Queixas en Foz por quedar sen auga na avenida Álvaro Cunqueiro

La Voz FOZ / LA VOZ

FOZ

CEDIDA

30 oct 2018 . Actualizado a las 12:45 h.

Veciños e comerciantes da avenida Álvaro Cunqueiro de Foz estiveron boa parte do día de onte sen auga, segundo manifestaron; afectoulles aos primeiros números da avenida.

«A máis de estar as obras paralizadas durante un mes -dísenos que foi porque carecían de certos materiais, cuestión inconcibible nos tempos que corren-, o luns déixannos practicamente todo o día sen auga. Fíxose chamada telefónica a empresa responsable, Gestagua, para saber as causas, pero esta empresa dixo ignorar os motivos de tal corte de subministro», explicaron.

«Ao pouco tempo, xa nos comunican que o corte é a causa da empresa das obras da chamada humanización da Avda. Álvaro Cunqueiro, dita empresa en realidade xa sabía o venres día 26 deste mes, que debido a estas obras se cortaría o subministro de auga a varios dos edificios; a sorpresa nosa, dos veciños, é que poñen os carteis nos portais no mesmo momento do corte, sen avisarnos e sen contar».

Pola súa banda, o alcalde de Foz, Javier Jorge Castiñeira, manifestou que os cortes no subministro de auga que se produciron o luns se deberon ás obras que se están levando a cabo para cambiar tubería vella por nova na zona, e que posiblemente continuarán ao longo do martes.