«A diversión debe ir sempre da man do civismo e do respecto polo noso entorno»


san cibrao / la voz

San Cibrao recibe as súas festas máis características e o alcalde non quere que se lle escape nada. Alfonso Villares, rexedor de Cervo, aposta por unha celebración segura e tranquila, que permita disfrutar da lenda da Maruxaina a todo o pobo e aos seus visitantes.

-Que sinte un maruxaino?

-Para nós é un rasgo definitorio que nos produce moito orgullo. Cando un veciño de San Ciprián vai polo mundo, o primeiro que fai é invitar á xente á Maruxaina.

-Hai algo novo este ano?

-A festa mantén o seu simbolismo de sempre: os xogos, o xuízo, os fogos... Como sempre, tamén, temos medidas de seguridade fortes par que todo funcione. O que se inclúe este ano é un punto lila, que serve para concienciar contra os abusos sexuais, unha lacra que temos que erradicar. Quero tamén facer especial mención ao medio ambiente, pois se non respectamos o noso propio entorno, A Maruxaina non é posible.

-O Feve parece seguir en horas baixas. Como pode a xente achegarse a San Cibrao?

-É difícil conseguir un compromiso por parte do tren... Requírense cambios de calado. Pero hai outras opcións para vir, como liñas de bus da iniciativa privada ou taxis. É importante que a xente que teña previsto beber non leve o coche.

-Que rol ten o Concello na organización da festa?

-Levamos o peso da organización en colaboración con outras asociacións. Aínda que, sinceramente, o lóxico sería que o pobo e as asociacións se ocupasen da festa, coma antes, e a administración só xogase un papel de apoio.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«A diversión debe ir sempre da man do civismo e do respecto polo noso entorno»