«A pulpería será outra forma de atraer xente á festa Castrexa»

Destaca o atractivo turístico e cultural que supón a celebración para animar a visitar Burela


burela / la voz

Burela «viaxará» hoxe e mañá ao pasado máis lonxano para revivir a época dos castros, na que as xentes da zona habitaban construcións de pedra con teito de palla, e vestían peles e coiros de animais. Un dos burelenses que ten todo a punto para gozar da Festa Castrexa é o alcalde, Alfredo Llano, quen este xoves confesou que xa tiña o traxe a punto para o desfile de clans que esta noite (21.30 horas) abrirá unha celebración que chega á súa oitava edición. «Está preparado porque vou desfilar. Pertenzo ao clan das Cabras, que deriva da asociación de sendeirismo Pasada das Cabras», sorrí o rexedor.

-Que supón para Burela a Festa Castrexa?

-É unha das festas que ultimamente está collendo singularidade por unha cuestión identificativa da historia de Burela, onde a cultura castrexa ten moito que ver. Tratamos de dimensionala véndoa como algo que pode ir agrandando ano a ano. É un atractivo turístico e cultural para visitar o noso concello.

-Como valora a participación?

-Hai moita. Entre as novidades haberá xogos clásicos relacionados coa busca do torques, teatro..., e a pulpería será outra forma de atraer xente á Castrexa, que é boa para o comercio, a hostelería, e este ano coincide con eventos deportivos de moito nivel...

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«A pulpería será outra forma de atraer xente á festa Castrexa»