«Cada vez hai máis mulleres fartas, máis ideais feministas»

Cristina Lestegás é unha das voceiras de Asamblea Mulleres Galegas 8M na comarca


viveiro / la voz

Cada vez achégase máis a data do 8M, unha nova oportunidade de reivindicación feminina na que as mariñás volverán a alzar a voz.

-Antes que nada, van fretar autobuses para o 3M en Lugo.

-Si, dende Viveiro (anotan no 677 292 297 e no CIM), dende Burela (anotan no 699 191 904) e dende Ribadeo (anotan no 615 596 247). Reservan antes do día 24. A idea é fretar tres autobuses e levar uns 200 mariñáns a Lugo, onde o día 3 de marzo se fará unha manifestación galega para dar un pulo ao 8M. Dende Galegas 8M, queremos que no 8 de marzo se impulsen as convocatorias locais; ese día tamén haberá actividades pola mañá en Ribadeo, Burela, Foz, Viveiro e Xove.

-Que ambiente previo á gran cita do 8M percibe na Mariña?

-Moi bo. Cada vez hai máis consciencia feminista, mulleres fartas de cobrar menos, de desigualdade salarial, de acoso... pero cada vez organizámonos mellor. O papel dos homes como aliados é novo pero contamos con eles. Queremos que nos apoien na causa, porque é de todos e todas.

-A manifestación central da Mariña será en Burela ese día.

-Ás 20.00, dende a estación de buses ata a Praza da Mariña. A do ano pasado foi moi emocionante, moi seguida, numerosa e emotiva para todas. Este ano esperamos que siga o espírito do 8M do 2018. Tamén vamos facer caravana de coches. Unha sae de O Vicedo e outra de Ribadeo, iremos parando nos concellos para nos xuntamos en Burela. Tamén está convocada a folga de de 24 horas de mulleres. A idea é parar. Sabemos que non todas poden, pero que paren un pouco e apoien e no caso das que non vaian poder, paramos o resto por elas. Aparte de laboral, haina estudantil, de coidados e de consumo.

-Como ve a suma á reivindicación feminina das mariñás?

-Cada vez é unha resposta máis activa e máis viva nas mulleres mariñás. A resposta é cada vez maior, hai máis conciencia social e feminina e de cambio.

Hai novos encontros abertos de mulleres: hoxe en Burela (19.00, Casa da Cultura) e mañá en Viveiro (19.00, biblioteca).

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
7 votos
Comentarios

«Cada vez hai máis mulleres fartas, máis ideais feministas»