O «Rías Altas», de tres estrelas, abrirá a finais do vindeiro mes de febreiro
22 ene 2020 . Actualizado a las 05:00 h.A Consellería do Medio Rural apoia cunha achega de 200.000 euros a posta en marcha en Barreiros do establecemento Rías Altas, que prevé abrir as súas portas a finais de febreiro e será o primeiro hotel de tres estrelas dese municipio.
O delegado territorial da Xunta en Lugo, José Manuel Balseiro, visitou onte as instalacións deste novo hotel da man da promotora, Tamara Rubiños. O proxecto obtivo unha axuda da Axencia Galega de Desenvolvemento Rural (Agader) a través da medida Leader, que foi xestionada polo Grupo de Desenvolvemento Rural (GDR) Terras de Miranda. A contía da achega acadou o 50% do investimento (algo máis de 400.000 euros).
14 habitacións e restaurante
O establecemento ofertará 14 habitacións dobres e unha individual e tamén ten restaurante, que xa existía anteriormente xestionado polos pais da promotora e que apostará pola cociña tradicional con produtos locais.
O proxecto incide no respecto polo medio ambiente en aspectos como o uso de envases de xel reutilizables, o emprego de enerxías renovables -como aerotermia para a climatización- ou a aplicación dun plan de xestión de residuos; e tamén aposta polo emprego de elementos naturais no mobiliario e decoración, como madeira e textís de liño e algodón. Balseiso destacou que contribuirá a potenciar a oferta turística do concello e lembrou que os GDR impulsan este tipo de iniciativas produtivas.