O alcalde de Barreiros envía cartas a 11 promotores para que en catro meses actúen nos edificios abandonados

Cinco destas urbanizacións en esqueleto están xa en propiedade dos bancos; os veciños queixábanse na Voz da suciedade e de que hai cobras


Barreiros / La Voz

O Concello de Barreiros, na facultade que lle confire a Lei do Solo, remitiu xa a 11 propietarios e promotores dos edificios inacabados os requerimentos para esixir que nun prazo de catro meses actúen nestas estruturas, ben para acabalas ou ben para que procedan a súa demolición. O alcalde xa anunciara a súa intención de enviar as cartas semanas atrás, como informou no seu día La Voz. Os veciños queixábanse entón da suciedade e de que hai cobras.

En total, advertiuse ós titulares de 11 promocións -cinco das cales son xa titularidade de bancos e entidades financeiras-, con edificacións en esqueleto en San Cosme, Moás, Remior, San Miguel de Reinante e Santiago de Reinante. O goberno local que encabeza Alfonso Fuente «quere dar un paso máis na loita contra o feísmo que dana o municipio, froito da crise inmobiliaria e da situación de impás urbanístico que provocou a actuación do goberno bipartito da Xunta de Galicia e que resolveu en favor do Concello en recente sentenza xudicial», lembra Alfonso Fuente.

Ademais, Fuente Parga incide na situación de risco para a seguridade das persoas e na insalubridade destas infraestruturas e no seu abandono, polo que lembra aos propietarios «a súa obriga de manter os bens inmobles en condicións óptimas de coidado e ornato público», dilles.

O alcalde facultou tamén aos técnicos municipais para que recaben información sobre outras posibles construcións que se atopen en similar situación para realizar, con posterioridade se é necesario, unha nova fase de requerimentos. «Empezamos cos edificios cun maior impacto estético e no ornato público», explica.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

O alcalde de Barreiros envía cartas a 11 promotores para que en catro meses actúen nos edificios abandonados