Unha aposta importante polos nenos no Mercado Medieval de Alfoz

O concello tamén contratou catering para a cea medieval

s. c.
alfoz / la voz

Arancha Incera, concelleira de Turismo e tenente de alcalde en Alfoz, destaca desta edición do Mercado Medieval, da que se encarga o concello, «entre outras cousas, a aposta importante que fixemos para os nenos, para que teñan actividades hoxe todo o día con talleres de pan, de cestería, xogos, paseos a cabalo...».

Tamén destaca o cátering que contrataron -Pulpería Taboada- para os tres bares do Mercado e para a cea medieval desta noite no entorno fantástico da fortaleza do mariscal.

«Foi todo un pouco á présa. As circunstancis obrigáronnos e con limitacións de presuposto e de tempo tratamos de organizar o Mercado Medieval, pero hai moita participación da xente, de Alfoz e do Valadouro. Hai que destacar isto, a participación e a axuda que temos de moita xente, tamén do Valadouro», destacaba Arancha Incera.

Toda a mañá de hoxe, desde as 11, hai actividades para os nenos e nenas. Pola tarde a máis de xogos, ás 20 horas terá lugar unha representación teatral e despóis á noitiña, para a hora da cea, están previstos un xogos malabares con lume, espectaculares, na mesma área do castelo. «Esperamos á noite para que así luzan máis. Creo que á final quedou un programa moi completo, para os nenos -que estén entretidos e desfruten- e tamén para os maiores», sinalaba.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Unha aposta importante polos nenos no Mercado Medieval de Alfoz