Este domingo se celebra el I Concurso PuzzlEO en Ribadeo que se suspendiera por la pandemia, con cien parejas participantes: «Desta vai!»

Con prazas xa cubertas e máis interesados que tiveron que pasar a unha lista de agarda, este domingo desenrólase en Ribadeo o I Concurso PuzzlEO, organizado pola Asociación Española de Puzzles (Aepuzz) e a Asocación Cultural A Ronqueta, con apoio do Concello de Ribadeo e entidades colaboradoras como O Ferrado Marelo, Doctor Panush, Bis a Bis e Trece Decoración y Eventos. A cita, que tivo que suspenderse en marzo de 2020 debido á pandemia (ía ter lugar xusto ao día seguinte de comezar o confinamento polo covid) vaise celebrar no Pavillón Municipal de Deportes, a partir das 11.30 horas. A modalidade é por parellas, que montarán simultáneamente un puzzle, igual para todas, de 500 pezas. As tres primeiras máis rápidas e a primeira a nivel local levarán premio. O tempo límite será de dúas horas. Patricia Pérez, socia de Aepuzz, forma parte da organización da cita pioneira na comarca que se centra nun xogo de mesa moi popular e que gañou adeptos a raíz especialmente da pandemia, como demostra a resposta do público ao evento ribadense.

_Houbo un primeiro intento de facer o concurso xusto en marzo de 2020, cando chegou o covid para mudar as nosas vidas.

_Si, creo lembrar que o concurso estaba para o 14 ou 15 de marzo e tivemos que cancelalo. Pasounos que había moita xente inscrita de Madrid, e outros sitios. En Madrid empezaran coas restriccións antes que nós, e chamábannos para saber se o concurso seguía adiante. Eu chamaba ao Concello de Ribadeo e dicíanme que se podía facer porque ainda non había unha norma que o prohibira, ata que se acabaron prohibindo as reunións finalmente. Daquela cubríramos o cupo (cen persoas) e quedara xente fóra. Desta vez pasou igual, ainda que este segue a ser o primeiro concurso porque o outro non se chegara a realizar.

_É a primeira vez que se fai na Mariña.

_Si, na Mariña si. Téñense feito concursos de puzzles en A Coruña e en Laracha, todos promovidos como neste caso por socios e socias. No resto de España hai concursos de puzzles por todas partes.

_O puzzle foi un dos xogos de mesa que recibiu un bum en pandemia. Hai tanta afección aquí na Mariña con respecto a outras zonas?

_Foi brutal. De feito, Aepuzz tivo un pico de asociados na pandemia e facíanse programas en directo. A xente estaba a comprar e facer puzzles na casa. Houbo un bum. Eu estivera no campeonato en Valladolid e despois de poñelo nos stories, veume xente dicirme 'yo hago puzzles también'.

_Que tipo de premios se van dar?

_Trofeos e puzzles.

«É unha actividade que promove a concentración»

_Que fai falla para afeccionarse a facer puzzles?

_Basta con ter ganas de pasar un rato entretenido, ter unha capacidade de concentración e agudeza visual. É unha actividade que promove a concentración.

_Eu adoito empezar polo borde do puzzle.

_Si, o truco do puzzle. Pero iso depende da imaxe.

_É mellor encuadralos ou desfacelos ao final?

_Eu son das que o faigo, desfaigo e gardo na caixa, pero só enmarco os que me foron difíciles de facer ou me gustan. Hai xente que os enmarca todos e outra que non enmarca ningún.

_Aos nenos tamén lles pode ser moi beneficiosa esta afección.

_Nos concursos é habitual que haxa modaldiades, non só de parellas, senón tamén por idades, e modalidades infantís. Esta vez como é primeira non me atrevín a facer máis dunha categoría pero se sae ben, non descarto outra vez facer meter a categoría infantil. Agora, para empezar, empezamos só coa de parellas, que é o máis habitual.

_Como vai ser en pavillón, espazo cuberto, non fai falla enviar ovos a Santa Clara este domingo. E agardamos que non veña outra pandemia...

_Bueno, espero que non caia un meteorito (ri). Desta vai!

---

---

---