A Ponte de Arante recreou con éxito a loita contra o xeneral francés Fournier
A MARIÑA
Máis de 210 persoas participaron na comida da romaxe en Ribadeo
05 jun 2022 . Actualizado a las 19:48 h.A actuación de Luar na Lubre puxo este domingo o broche de ouro á Romaxe das Cruces, celebrada en A Ponte de Arante, en Ribadeo. A cita recreou de novo con grande éxito a loita que libraron os veciños da zona hai algo máis de dous séculos contra o xeneral francés Fournier, en plena invasión francesa durante a Guerra da Independencia. Máis de 210 persoas participaron finalmente na comida que tivo lugar tras a bendición dos campos, a procesión, o bandeo do pendón e a reverencia das cruces, segundo destacaron os organizadores, Suso García e Javier González. Amenizou o acto da mañá Brisas del Eo, mentres que La Bamba tocou na sesión vermú trala misa. Cerca da media tarde, o Bruxo Queiman e Andrea Pousa representaron a batalla, e a continuación tivo lugar o esperado concerto de Luar na Lubre.