Co presidente de Panamá, de raíces galegas

estíbaliz veiga ACTRIZ E PRESENTADORA

A MARIÑA

La actriz Estíbaliz Veiga, en Panamá
La actriz Estíbaliz Veiga, en Panamá

A actriz mariñá Estíbaliz Veiga entrevistou a Laurentino Cortizo

30 jun 2021 . Actualizado a las 11:01 h.

Cando me ollei a min mesma diante dun presidente dun país como a República do Panamá para entrevistalo en exclusiva, o corazón comezou a latexar intensamente. Eu, a neta de Antoño de Ciprián, de Celeiro de Mariñaos, nun despacho presidencial a piques de facerlle unha entrevista dunha hora a don Laurentino Cortizo. Un home de orixes humildes, fillo dun galego emigrante, procedente de Beariz, Ourense. E sobre todo, amante da nosa Terra.

Unha vez que me baixou o sofoco inicial apareceu a imaxe de meu avó e como me decía que todo iría ben, moi ben. E así foi, falamos de trastadas dun neno espilido, do amor, da vida da emigración… de todo iso e moito máis. Este sábado podedes compartir comigo esta charla chea de anécdotas ás 19.15, na Televisón de Galicia.

Un momento único o cal tiven a fortuna de ser eu, a nena da Mariña, a que puidera realizalo para todas e todos os galegos.

Comezaba a “aventura» cunha imaxe moi bonita, co traxe de pollera. Un vestido de uso diario que necesitaba grandes adornos. Usado por mulleres no servizo doméstico en Panamá. Composto con holán de fío con debuxos de cores. Unha obra de arte feita folklore. Foi o vestido que usou a bandeira española do XVI. Ten un custo de entre 15.000 e 20.000 dólares de acordo coa súa feitura e os abalorios de ouro e prata.

Fun unha das poucas privilixeiadas en vestir esta marabillosa obra de arte, o considerado traxe típico máis caro e fermoso do mundo. A artista, Gianella Ameglio propietaria de @empollerarte.

Unha experiencia. A irmá do presidente, Dorinda, é fan de Gayoso. Inesquecible.