Demetrio Salgueiro, alcalde de Xove: «Sería un fracaso como país que, co Goberno e a Xunta involucrados, esteamos agora en mans de Alcoa»


xove / la voz

Co corazón en Nigrán, apoiando ao comité de Alcoa, viviu a xornada deste luns o alcalde de Xove, Demetrio Salgueiro, que a media tarde conservaba a esperanza de que o proceso de venda chegase a bo porto. «Se as posturas están distantes, o que ten que facer o Goberno é tratar de achegar esas posturas ás demandas de Alcoa e cubrir a diferenza da oferta de Liberty co que pide Alcoa, ou tratar de chegar a un acordo para a venda á SEPI por parte de Alcoa. Creo que iso é fundamental, porque o aluminio é estratéxico para o país e España non se pode permitir que peche esta fábrica», apuntaba a esa hora. «Están de acordo as Administracións, están en xogo moitos postos de traballo e as vidas de moitas familias, e eu creo que hai que tratar por todos os medios de chegar a un acordo. Non se pode deixar que unha multinacional decida o futuro dunha comarca e a vida de tantas familias e que a única solución sexa o peche da planta. Por iso creo que aínda que haxa que facer un esforzo económico hai que chegar a un acordo», engadía.

«Sería un fracaso como país que, unha vez que as administracións, tanto o Goberno do Estado como a Xunta, se involucran para buscar unha solución, agora esteamos en mans do que decide unha empresa privada. Que as vidas de tantas familias estean nas mans dunha empresa privada, e que o Goberno non teña unha solución para sacar isto adiante. Sería incomprensible unha vez que se chegou a este punto. O Estado ten que seguir adiante e buscar unha solución», concluíu.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

Demetrio Salgueiro, alcalde de Xove: «Sería un fracaso como país que, co Goberno e a Xunta involucrados, esteamos agora en mans de Alcoa»