Día de Galicia moi especial para Ugía Pedreira

Participa no evento da Rede Galega no Reino Unido onde estrea novo single


foz/la voz

Unha morea de noticias que chegan da man da artista mariñá Ugía Pedreira e nun Día de Galicia que vai ser dobremente especial para a focense. Por un lado, o seu é un dos nomes que aparece no cartel da cita de Facebook da Rede Galega no Reino Unido para conmemorar a data (e que outros anos se facía con público en Hyde Park en Londres) xunto con Carlos Núñez, a familia Seivane ou Bieto Romero, como adiaba a nosa sección de Cultura onte. Con tal motivo, fixo realidade un encargo para tal evento e, así, estrea novo single, «baixo a producción e arranxos do bretón Pier El Gabacho» e «coa letra do pintor vigués Enrique Gavilanes que mora en London e o videoclipe reflicte a obra pictórica del». Esa estrea será, por tanto, hoxe, a partir das sete da tarde e poderá seguirse vía online no seguinte enlace: https://www.facebook.com/REGAUK. Dita peza, traslada Pedreira, leva por título Mares sucados e «foi grabada nos estudos de Vilavedelle en Castropol onde moran os dous músicos».

«Quería achegarme melodicamente á inspiración que recibo cuando escoito blues antigo e facer un tema de genero tradicional galego como a jota, com estructura de romance».

Poemas traducidos ao alemán

Pero a música non é a súa razón de vida. Tamén a poesía. De feito, outra nova é que foi escollida para a páxina de Poesía Galega en alemán Galemán sendo tres poemas inéditos de Pedreira máis dous do seu libro Noente Paradise traducidos ao alemán.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Día de Galicia moi especial para Ugía Pedreira