A Mariña: Este sábado abrirá na Regueira, en Xove, o hostal, café e xardín Lugar das Marías

Para as cinco da tarde deste sábado, 4 de xullo, está prevista a apertura en Xove do Lugar das Marías, un hostal, café e xardín. Situado no lugar da Veiga 15, na parroquia da Regueira, o establecemento hostaleiro foi ideado e será dirixido por Lucía Canoura Sánchez. Licenciada en Ciencias Políticas e especialista en coeducación, a muller fará realidade o soño de rexentar unha casa de turismo rural na casa patrucial da súa nai, e que terá como fío condutor un homenaxe «ás Marías de Galicia», con habitacións e espazos dedicados, entre outras, á pintora Maruja Mallo, á actriz María Casares, ou a Maruxa e Coralia, as «Marías da Alameda de Santiago».