No Valadouro dedican 100.000 euros a axudar ás familias a pagar o recibo da luz


O Valadouro / La Voz

No pleno telemático celebrado no día de ontes polo Concello de O Valadouro, o BNG conseguíu que saira adiante a súa proposta de que as familias do Valadouro sexan beneficiarias tamén de axudas para o pago do recibo da luz. A iniciativa defendida polo portavoz Eduardo Chao, resultou aprobada por maioría, no debate do suplemento de crédito que presentaba a alcaldía, conseguindo que se dotase con 100.000 euros para o presente exercicio a partida 231-48?Axudas destinadas a familias.

Por outra banda, afirmaron tamén os concelleiros do BNG que «nun concello coma o noso, con baixas rentas, poboación envellecida e pensións baixas, entendemos que é obriga do concello mellorar a calidade de vida dos nosos veciños e veciñas, evitando que exista pobreza enerxética nos seus fogares. A riqueza que xera o noso concello co vento, debe repercutir de maneira directa nas persoas que viven neste territorio, ademais de compensar o impacto ambiental, paisaxístico e acústico», sinalaba Chao. «Agora só queda elaborar as correspondentes bases para regular estas axudas», concluía o portavoz do BNG.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

No Valadouro dedican 100.000 euros a axudar ás familias a pagar o recibo da luz