Amar en tempos de covid. «Por amor al arte»


Despois de dúas semanas confinada, unha profe de teatro dun grupo de adolescentes galeg@s, eu, vendo que a situación se ía prolongar, decidín propoñerlles unha idea. Facer un diario audiovisual das corentenas de cada familia mesturándoo con exercicios de interpretación e musicais, con charlas con eles e os seus, tratando os temas que saían a diario nos xornais e debatindo sobre todo isto na app Zoom.

Cada núcleo familiar gravaba a súa xornada amosándose tal e como viven, nun contexto urbano uns e outros noutro totalmente rural. As estruturas varían e aínda que son oito as que deciden participar neste proxecto son catro delas as que levan a «voz cantante». Son sempre as nais as que son máis activas tanto nas accións coma nas tertulias e as profesións e circunstancias de cada unha ben diferentes.

Unha avogada de dereitos dos menores e directora dunha axencia de adopción, unha profesora de lingua galega de secundaria, unha enfermeira de urxencias e unha bibliotecaria son as nais que nos acompañan.

Monólogos de Shakespeare, receitas galegas, cortes de pelo caseiros, entrevistas a mascotas, plantar tomates, Rosalía de Castro, titoriais de «como xogar ó Fornite» e moitas outras son as tarefas. As charlas teñen lugar ó final do día e aí vimos temas de actualidade, recomendacións literarias, recordos ós avós, o significado da cultura nun país, etc...

E resulta que isto que estaba facendo de xeito vocacional (son pedagoga teatral pola UDC) a unha amiga productora de cine, Miriam Devesa, lle pareceu unha idea xenial para un documental. «De portas a dentro, o documental» mestura o caderno de bitácora do confinamento das catro familias de adolescentes, de idades comprendidas entre os 12 e 15 anos, en diferentes puntos de Galicia cunha formulación pedagóxica, baseada nos valores do teatro e das artes escénicas. E tan lonxe chegou a nosa idea que o 17 de maio, emiteuse en Sky TV (Italia ) un anaco deste traballo concienzudo no que andamos metidas as familias e cinco mulleres do audiovisual galego. Agardamos que moi pronto o poidamos mostrar aquí, na nosa terra, onde se fixo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Amar en tempos de covid. «Por amor al arte»