O PP leva a defensa de Alcoa e o emprego en San Cibrao ao Parlamento


RIBADEO/LA VOZ

O deputado mariñán do PP no Parlamento galego, Daniel Vega, únese á “fronte común” que lideran os populares da provincia para evitar que se produzan despedimentos na planta de Alcoa en San Cibrao. Leva a situación de Alcoa ao Parlamento de Galicia.

«Ante a “desidia” demostrada polo Goberno en funcións, que incluso incumpre moitos dos seus anuncios a este respecto e da que é cómplice tanto o PSdeG coma o PSOE lucense que onte se reunían co comité de empresa sen garantir ningunha solución á viabilidade da planta mariñá, é polo que levamos o tema ao Parlamento».

Daniel Vega formulará, así, unha pregunta na sesión plenaria de hoxe, mércores, do Parlamento galego sobre as actuacións que está a levar a cabo a Xunta de Galicia diante do Goberno central para o mantemento da actividade da industria electrointensiva, en especial, a da planta de Alcoa en San Cibrao.

O representante do PP da Mariña na cámara autonómica únese, deste xeito, «ao resto de compañeiros representantes do PP noutras cámaras e corporacións, como son os Concellos da zona e a Deputación Provincial, na presentación de distintas iniciativas para urxir ao Executivo a aprobación inmediata do Estatuto do Consumidor Electrointensivo que dote dunha estabilidade ao prezo da enerxía eléctrica e, polo tanto, contribúa a garantir a viabilidade económica, empresarial, industrial e laboral de Alcoa».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O PP leva a defensa de Alcoa e o emprego en San Cibrao ao Parlamento