Adolfo Caamaño Vázquez gaña o primeiro Premio de Novela Vilar Ponte

En segundo lugar quedou Rocío Leira Castro


viveiro / la voz

Adolfo Caamaño Vázquez foi declarado gañador do primeiro Premio de Novela Vilar Ponte, convocado polo Concello de Viveiro e dotado con 4.000 euros. En segundo lugar quedou Rocío Leira Castro, que recibirá mil euros.

Adolfo Caamaño, licenciado en Xeografía e Historia pola USC, conta con varias obras de poesía e narrativa xa publicadas. Colaborador xornalístico, entre outros en La Voz de Galicia, foi cofundador da revista de creación literaria Hidromel e coorganizador do ciclo de conferencias Gallaecia.

Méritos

Adolfo Caamaño gañou o Premio Vilar Ponte coa obra Matar o heroe. O xurado, formado por Carlos Nuevo, Bernardo Penabade e Alba Porral destacou a solidez narrativa da obra tanto da estrutura como da ambientación espacil cronolóxica e dos personaxes, o seu contido universalista e a defensa do pacifismo.

Segundo premio

Rocío Leira Castro quedou segunda coa obra Veleno en Familia, na que o xurado salientou que representou unha radiografía da sociedade galega actual e tamén loubou o dinamismo narrativo proporcionado por unha polifonía de voces corais que ofrecen diferentes interpretacións dunha mesma realidade, a análise da situación específica das mulleres e a excelente recompilación de fraseoloxía da linguaxe popular perfectamente contextualizada.

Rocío Leira tamén conta con obra publicada en poesía e narrativa e, coma Adolfo Caamaño, ten gañado numerosos certames literarios nos últimos anos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Adolfo Caamaño Vázquez gaña o primeiro Premio de Novela Vilar Ponte