Día do urbanismo


O8 de novembro celébrase o Día Mundial do Urbanismo creado pola ONU en 1949 «co fin de defender os intereses públicos da planificación urbana».

A RAE define «urbanismo» como «o conxunto e coñecementos que se refiren ó estudo, desenvolvemento e progreso dos pobos en orde ás necesidades e á calidade de vida. Un urbanismo ordenado, equilibrado e coidadoso co entorno, sen a acción destrutiva das institucións, nen concesións á especulación, é garantía dunha vida mellor».

En España tratouse o asunto por primeira vez dun xeito formal no 1º Congreso Nacional de Urbanismo celebrado en Madrid en 1929, pero os logros non foron os esperados pois, xa entón, fallou a colaboración dos concellos.

No informe da Sociedade de Urbanistas de certo país lese: «Es cuestionable que las autoridades se han entregado al albedrío de construir o remodelar espacios que con justicia generan la protesta ciudadana; ello sin considerar los indicios de corrupción. Por otro lado es el ambiental un tema olvidado que reduce la calidad de los recursos turísticos…».

É obvio o interese do urbanismo, que debería ser preocupación primordial de pobos e gobernos, mais alá dos cotiás e demagóxicos discursos tan propios da caste política; con máis feitos e menos verbas, na defensa dun interese cidadán que, sen avergoñarse, unha e outra vez, din defender.

Políticos

Do interese que os políticos amosan por cuestión tan transcendente temos os focegos mostra evidente: precisaron máis dunha ducia de anos para, tras árduo traballo, mental sobre todo, chegar a comprender a barbarie cometida co emplazamento da depuradora; aínda que polos xornais temos novas de que agora non saben qué facer con ela. Non saben onde ubicala pois os ventos da política, que marcan o rumbo a capataces e mesnadas ao servizo da causa, son cambiantes…

¿Precisarán pois, para decidilo, outros tantos anos? E namentres os cidadáns normais, as xentes de ben, viven entre noxentos cheirumes…

É a lección que a cotío nos dan os políticos «progresistas”… adxectivo ao que, con desbordante imaxinación, todos se adscreben.

Autor Suso Fernández Cronista oficial de Foz

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Día do urbanismo