Agradecementos a socorristas de Altar


Vivimos actualmente nunha sociedade dominada polo interese, a avaricia, a envexa, a prepotencia, a presunción, a aparencia, a inxustiza, a corrupción… e outros infinitos e diversos males. Non se pensa noutra cousa que no beneficio propio a costa do que e de quen sexa, o que menos importa son as nefastas consecuencias que este tipo de males trasladan á inmensa maioría da cidadanía; desde logo parece que a evolución do ser humano se torna en regresión e degradación, xa dá a impresión de que valores coma o altruísmo, a responsabilidade e a honradez quedaran practicamente devaluados, desterrados ou mesmo deixaran de existir. Mais ás veces xorden comportamentos illados e persoas que merecen a máis profunda consideración, respecto, admiración e agradecemento, o que nos transmite certa esperanza no ser humano.

Este é o caso de dúas persoas, mellor dito dúas responsables, honradas, humildes, boas e xenerosas persoas, que co seu traballo, amabilidade e humildade, e en moitas ocasións sacrificio, nos transmitiron seguridade e confianza este verán. Nesta ocasión referímonos aos socorristas Brais e Alex, os cales prestaron, prestan aínda, o seu servizo na praia de Altar, no concello de Barreiros, xa que foron quen de evitar moitas situacións de perigo, atender moi amablemente a todos/as aqueles/as que precisaron ou reclamaron a súa axuda e ademais levar a cabo o seu traballo de forma impecable, incansable e abnegada nunha das praias máis concorridas do concello de Barreiros e, posiblemente, da costa de Lugo.

A eles, por medio da presente nota, transmitímoslles o noso máis profundo e afectuoso agradecemento e desexámoslles o mellor. Oxalá o próximo verán os teñamos de novo na praia de Altar, ben poden outros/as mirarse neles e tomar exemplo!!! De seguro que teriamos unha sociedade infinitamente mellor.

Asinado: Ángeles Cortiñas, Jose e o seu grupo de amigos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Agradecementos a socorristas de Altar