As actividades da IV Feira do Libro de Burela terán lugar dende hoxe ata o domingo na Praza da Mariña
31 ago 2018 . Actualizado a las 05:00 h.O concelleiro de Cultura de Burela, José Díaz, convida aos veciños e visitantes a participar no ambiente familiar arredor da literatura que se dá no pobo.
-Hoxe é o I Concurso de Relatos ao Voo. Que acollida se espera?
-É algo moi novidoso que pode captar a atención da xente, sobre todo dos escritores afeccionados. Hoxe en día hai moitas persoas que escribe pequenos relatos, sobre todo nas redes sociais.
-No programa deste ano tamén hai numerosas actividades pensadas para os nenos.
-Si. A intención é achegar a Feira do Libro e o mundo da literatura aos pequenos, con actividades que os atraia. O venres, gran parte da tarde está dedicada a eles co obradoiro de manualidades e coa contacontos. O sábado hai unha actuación infantil e o domingo haberá outro contacontos.
-Que ambiente se crea en Burela durante estes días?
-Animamos a todos a que axuden a crear o ambiente familiar e literario, arredor dos estands e das actividades organizadas. O importante é que veñan os burelenses e outros visitantes.
?Nestes días pasarán polo pobo escritores de importancia nacional e mesmo proxección internacional.
?Exacto. É moi importante que veñan estes escritores, como dixen noutras ocasións, sobre todo para darlle futuro á Feira do Libro. Son unhas xornadas organizadas polo Concello de Burela e para nós é de gran valor que veñan escritores dun nivel tan alto e recoñecido. Non só dan prestixio á Feira do Libro, senón que son un vínculo con edicións futuras.
?Tamén hai encontros con varios escritores da Mariña e coa burelense Antía Yáñez.
?Antía leva apostando por escribir dende hai anos, primeiro no mundo infantil e agora coa obra Senlleiras, para un público máis adulto. É moi querida no pobo, e é tamén destacable que estea na feira. Hai outros escritores da Mariña aos que tamén hai que apoiar, e que estarán presentes neste fin de semana literario en Burela.
Viernes 31
11.00 Apertura de estands
12.00 a 13.00 I Concurso de Relatos ao Voo. Os participantes terán que escribir unha historia de non máis de 300 palabras en unha hora, a partires de tres palabras que lles son dadas. O gañador levará un premio de 50 euros e un trofeo conmemorativo
14.00 Peche de estands
17.00 Reapertura de estands
17.00 a 19.00 Obradoiro de manualidades impartido polas monitoras do Centro Medioambiental Gaia
19.30 Contacontos a cargo de Saleta Fernández. A actriz fai unha peza que na se fala da amizade verdadeira como piar para superar todas as súas dificultades. Catro contos para todos os públicos
19.30 a 21.30 Eva Carballares, debuxante e caricaturista, pintará escenas de Feira do Libro de Burela
20.15 a 21.00 Manel Loureiro presenta Veinte, unha novela xuvenil sobre un grupo de rapaces que tentan descubrir por que foi destruída a humanidade. O escritor pontevedrés falará tamén da súa traxectoria literaria
21.00 a 21.15 Firma de exemplares na caseta do Concello
22.00 Peche de estands
Sábado 1
11.00 Apertura de estands
12.00 a 12.30 Actuación de Arume
12.30 a 13.00 Pregón a cargo do escritor Matías Escalera con Pilar Porto, deputada de Cultura; Alfredo Llano, alcalde de Burela; e José Díaz, concelleiro de Cultura.
12.30 Lectura e entrega do premio ao gañador de Relatos ao Voo
12.00 a 14.00 Eva Carballares, debuxante a caricaturista, pintará en directo
13.00 Actuación infantil e familiar Bandullo azul: Filipa cos contos
14.00 Peche de estands
17.00 Reapertura de estands
19.00 Antía Yáñez presenta Senlleiras, gañadora do premio Illanova de Narrativa 2018
19.30 María José Rodríguez falará da súa obra Por amor a ti meu fillo, que versa sobre a violencia de xénero. Participará tamén Patricia Otero, concelleira de Igualdade
20.00 Pablo Mosquera presentará Islas San Cyprianus: Orgullo y Patrimonio
20.30 Carlos Nuevo Cal e Vicente Míguez presentarán a súa obra Conserveiras de Celeiro, Vicedo, Bares e Barqueiro
21.00 Otero Regal presentará dous libros: José Picado y Pérez, pintor vivariense (1773/1843) e Hai mulleres
22.00 Peche de estands
Domingo 2
11.00 Apertura de estands
12.30 Caxoto contacontos. Felipe Díaz, detrás do nome artístico de Caxoto Contacontos, leva dende o 2012 percorrendo Galicia coa súas historias sobre tradicións, personaxes diversas e galegos ilustres
14.00 Peche de estands
17.00 Reapertura de estands
19.30 Carmen Luisa González Suárez presenta Yeran outros tempos
20.00 Presentación Crúa e Núa, libro de poemas ilustrado de Suevia Figueiroa e Otto Treto
20.30 a 22.00 «Parolando Literatura» con Pepe Peinó. Emisión dende a feira dun programa de Radio Burela en torno á literatura
22.00 Peche da feira
Todos os días Desconto do 10 %. Venres e sábado sorteo ás 21.30 horas de lotes de libros. O domingo sorteo ás 21.30 dunha cesta de peixe doada por Absa (Armadores de Burela S.A.)
Estands participantes Concello de Burela, Deputación Provincial de Lugo e librerías de distintos puntos de Galicia como Nobel, Comic, Pícaros Mundi, Auma, Librería Valín e Librería Cartabón