En Fereira ás 20.00 horas no parque Concepción Arenal, para ir ata a praza de Santa María
16 feb 2018 . Actualizado a las 05:00 h.Hoxe celébrase en Ferreira do Valadouro o enterro de dona Sardiña Vaiche Boa, cerimonia coa que se rematará o entroido na vila. A comitiva fúnebre sairá ás 20.00 horas do parque Concepción Arenal, ata a praza de Santa María do Valadouro, nun percorrido que estará amenizado polo grupo Festicultores.
Ó rematar leranse criticas e coplas que serviran para incinerar á sardiña, e para tratar de aplacar as penas repartiranse bolos preñados e viño.
Na esquela publicada con motivo do enterro se di: «Os seus desconsolados fillos, Don Ben Feito, Dona Chismosa, Dona Cotilla de Costas Abaixo e demais fillos de pais descoñecidos ata o de agora, así como familiares achegados e alonxados vidos de moi lonxe sen saber que eran parentes polas posibles herdanzas que se olen, préganlle a vostede e a toda a súa familia que asistan á condución do seu cadaleito», hoxe, a partir das 20.00 horas.