«Antes a xente viña unha lúa enteira a descansar a Barreiros»

«Templo de saúde» é o eslogan co que Aciam promove o turismo no concello sacando punta á súa riqueza natural


A Asociación de Comerciantes Industriais e Autónomos de Barreiros que preside Xesús Seivane recibirá esta fin de semana a un grupo de vigueses atraídos pola oferta etnográfica, natural e paisaxística en xeneral que potencian. Os sábados hai saídas dende o Café Bar Moderno ás 10.00 para facer sendeirismo e os domingos ás 9.00, en bicicleta.

-Cal é o fin da iniciativa?

-O noso obxectivo é recuperar os tratamentos naturais e ancestrais en Barreiros, os das nosas avoas. Damos a opción, voluntaria, de beber auga de mar e auga das nosas fontes, pasear... O normal antes era que a xente viñera a Barreiros unha lúa enteira a descansar, a recuperarse mental e fisicamente. Ao mesmo tempo, queremos dar a coñecer o noso concello, que é un gran museo, facendo rutas de sendeirismo como a das praias, cear con produtos da terra...

-Beber auga do mar, di.

-A auga do mar ten os mesmos compoñentes que a nosa sangue. O ideal sería recuperar os dispensarios marinos do gran sabio René Quinton [fisiólogo e naturalista] que foi recoñecido pola menciña francesa. Tamén falamos dos manantais do concello.

-Semella un tipo de «turismo» parecido ao que se facía antigamente enfocado á saúde.

-É o turismo que se facía e o que se fai. Ainda hai xente que ven facer isto, coñecéndoo a través de medios, redes sociais e do boca a boca. O noso concello é grande, de 72 quilómetros cadrados, os ríos que son as súas veas, o val de Cabarcos, os produtos da terra, os miradores, ir polo río Masma, recuperamos os lavadoiros e estamos sinalizando a ruta de Sestelo, temos o reloxo solar máis antigo de Galiza que está na igrexa de San Cosme e ao que non lle fai falta pila, visitamos os camposantos que teñen moita historia e riqueza cultural, recuperamos as dúas veredas reais, etcétera.

-Aí tamén fan fincapé nos famosos baños de setembro?

-Pódense facer en calquer época do ano, pero mellor agora no outono que é fermoso e tranquilo. Si, é unha das actividades que facemos.

-Onde hai que anotarse?

-Para anotarse poden chamar, dende asociacións, grupos ou particulares que queiran, ao 615 09 21 15 (Suso) ou ao 622 75 80 79 (Belén, da Asociación Mar e Monte). Nós lles ensinamos a zona. Tamén facemos a ruta do camiño de ferro, en tren. Co cal, que se olvidan do coche...

-E do móbil, se o fin é descansar completamente, non?

-Si, e do móbil e que veñan a coñecer Barreiros.

-Algunha actividade máis prevista para este mes?

-O 31 faremos o Samaín e iremos a Santo Estebo. Este ano fixemos o mapa de demarcación do ano 775 (era 813), documento do rei Silo, que se refire ao Concello de Barreiros. Dámoslles as grazas a que vén con nós e o noso amigo Óscar del Pino que fixo un documental onde se explica todo isto.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

«Antes a xente viña unha lúa enteira a descansar a Barreiros»