«Dende o Concello tratamos de ofertarlles actividades a diario»

O rexedor, satisfeito de que os maiores teñan o protagonismo que se merecen e compartan a xornada


burela / la voz

O alcalde de Burela, o socialista Alfredo Llano, presidiu onte os actos do Día do Xubilado. Na mesa acompañábano outros tres edís do seu grupo. A responsable de Servizos Sociais, Patricia Otero; o concelleiro de Cultura, Xosé Díaz, e o responsable municipal de Turismo e Deportes, Ramiro Fernández. Non acudiron os representantes dos grupos municipais da oposición, Partido Popular e Bloque Nacionalista Galego.

-Día especial ¿Non?

-Eu penso que é un día agradable para moita xente, para nós tamén, loxicamente, porque o Concello procura sempre buscar harmonía, convivencia, compartir xornadas que sexan satisfactorias en xeral, por tanto facer un día no que o protagonismo é da xente maior, creo que é algo moi importante.

-Ademais, o seu equipo de goberno parece estar moi convencido sobre estas citas, que habían deixado facerse uns anos e recuperáronse.

-Si, exactamente, o que non entendemos é cómo non se fixo nos anos nos que non estivemos nosoutros, porque é unha cuestión que penso que polo froito que dá, é moi agradecida. Nosoutros recuperámola porque consideramos que esta é unha experiencia que favorece, hai xente que se ve unha vez ó ano, ó mellor, grazas a estas cuestións.

-¿Burela é un bo concello para que viva unha persoa maior?

-Agora mesmo, sempre e cando teñan a saúde, penso que poden participar en moitísimas cousas, dado que polo menos dende o Concello, aparte de que teñen a súa residencia e as súas cousas, tratamos de mantelos sempre con actividades. Actividades artesanais, actividades físicas, de cómo manexar incluso algunha cuestión tecnolóxica. Polo tanto, tratamos sempre de telos dalgún xeito activos e que teñan sempre algunha oferta para onde poder acudir tódolos días para, por un lado, convivir con outra xente, e por outro, aprender cousas, que nunca e tarde para iso. Por tanto, si que procuramos facer actividades para todos os colectivos e para os xubilados, naturalmente, tamén (...). Este tipo de actividades, como vamos ser más de quinientos e todos procuran ir o máis guapos posibles, pois quere dicir que é tamén unha forma de mover a economía, quero dicir que este tipo de actividades procura tamén un maior dinamismo económico da localidade.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«Dende o Concello tratamos de ofertarlles actividades a diario»