O BNG «sinalizará» hoxe Viveiro nas autovías A-8 e A-6 para o turismo da Semana Santa
A MARIÑA
O acto reivindicativo terá lugar ás 18.00 en Vilalba e ás 19.30 horas á altura de Barreiros
07 abr 2017 . Actualizado a las 05:00 h.O BNG «sinalizará» hoxe Viveiro nas autovías A-6 e na A-8, Autovía do Cantábrico, como sinal de protesta diante de Fomento e «para que os turistas que visiten a costa esta Semana Santa coñezan as saídas para Viveiro».
Este acto de reivindicación do BNG de Viveiro vaise realizar en dous puntos da A-8 (en Vilalba e Barreiros) co fin de visibilizar a desorientación que sufren quenes viaxen cara a Viveiro durante as festas da Semana Santa «e para esixirlle ao Ministerio de Fomento á instalación de sinalización vertical de Viveiro nos puntos de saída da Autovia do Noroeste (A-6) e da Autovía do Cantábrico (A-8) cara a Viveiro», explican desde a formación nacionalista.
Este acto reivindicativo terá lugar hoxe nos seguintes puntos da Autovía do Cantábrico (A8):
ás 18.00 horas, na saída 575 da A8 á altura de Vilalba e ás 19.30 horas, na saída 524 da A-8 á altura de Barreiros. Participarán membros do BNG de Viveiro, a responsable comarcal, Ana Ermida e o deputado Antón Veiga.