A Asociación Provincial de Hostelería celebrou onte en Lugo a súa festa anual

Dous mariñanos, Josefa Díaz Maseda e Ángel Cobas, figuran entre os premiados


viveiro / lugo / la voz

O encontro dos profesionais da hostalería da provincia tivo lugar este ano no Hotel Torre de Núñez de Lugo. Durante a xuntanza, que comezou pasadas as 21 horas de onte, fíxose entrega dos galardóns que a APEHL outorga cada ano a hostaleiros cunha longa traxectoria profesional no sector e a persoas ou organismos que apoian incondicionalmente a difusión e promoción da gastronomía e o turismo da provincia.

O presidente da Asociación Provincial de Empresarios de Hostalería e Turismo de Lugo, Cheché Real, foi o encargado de entregar o premio de Embaixador Hostaleiro da Provincia 2017 a Francisco Vázquez López; natural de O Páramo marchou a Madrid con 18 anos e alí creou o seu gran proxecto hostaleiro rexentando os locais O Pazo de Lugo, o Mesón O Chacón, La Casa del Lacón e o Restaurante Portomarín, locais emblemáticos en Madrid para saborear as especialidades da cociña galega. Real ademais subliñou que «levou e segue levando o nome dos produtos lucenses fóra das nosas fronteiras e puxo sempre o seu gran de area para que o lema …E para comer, Lugo sexa ben recoñecido no resto de España».

Asímesmo, a asociación de hostaleiros lucenses tamén quixo homenaxear a traxectoria doutras sete persoas que dedicaron a súa vida á profesión. Neste senso, recibiron os premios «Toda unha vida nos fogóns» Rosario Abeledo Castro, do Mesón Santa Marina, de O Corgo; Josefa Díaz Maseda, do Restaurante Polar, de Lugo, natural de Alfoz; Aurora López, do Madeira, de Lugo; Manuel Pena, do Restaurante Cofín, de Lugo; Luz Somoza Fernández, do Restaurante Durán, de Escairón; e Angel Cobas e Ana Veres Fernández, do Restaurante Cobas, de Lugo (que antes rexentaron un bar en Foz).

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A Asociación Provincial de Hostelería celebrou onte en Lugo a súa festa anual