Quique Guerra, un home metido no seu mundo

Fran Bouso O OUTEIRO DE MONDOFORTE

A MARIÑA

04 oct 2016 . Actualizado a las 05:00 h.

Opasado xoves deixounos Quique Guerra. Cando me chegou a mala nova, a primeira imaxe que me veu á cabeza foi unha das súas obras, para min, a máis coñecida porque habitamos espazos comúns. Estoume a referir á escultura de Xosé Díaz Jácome que está na fonte dos Pelamios no barrios dos Muíños de Mondoñedo. Este conxunto escultórico formado por unha silueta feita en prancha de ferro do poeta que cantou ao Muíño Fidel e unha roda de muíño que dá conta dun poema de Jácome sobre unha base de pedra granítica inaugurouse no ano 1999.

Foi precisamente daquela cando coñecín ao escultor natural de Mondoñedo e residente en San Cibrao, tamén foi a única ocasión na que falei con el.

Excelente artista

Quique Guerra era unha persoa introvertida que se valeu da pintura e a escultura para expresar as súas ideas e sentimentos. Os que o coñecen mellor ca min cadran en que posuía altas capacidades creativas e que lle gustaba experimentar con materiais cos que pouco se tiña traballado, como os ósos de balea.