«Crisis» superada na sesión vermú das Festas do Oito

Unha avaría no vehículo-palco da Atenas impideu que actuara


o valadouro / la voz

Os organizadores das Festas do Oito, axudados polo responsable de Espectáculos Pico, sortearon onte o problema que puxo en risco a sesión vermú das Festas do Oito, en Ferreira do Valadouro.

Tocáballe dar o concerto á Orquestra Atenas; os músicos xa durmiran esa noite nun hostal da vila, recén chegados de actuar dun pobo de Pontevedra. O camión co palco viría detrás, pero unha avaría neste ás tres da mañá obrigounos a ir ó taller, onde non foron quen de amañar o problema para que puidesen chegar. A golpe de chamadas, Pico intentou buscar substituto ó grupo, pero non era doado, xa que aínda que moitos dos que chamou estaban dispostos a axudar, non daban reunido os músicos todos. Ó remate amañaron facendo un intercambio.

Onte, no sitio de Atenas tocou Pekados, a medio día, e á noite Fin de Siglo e Fénix.

Hoxe seguen os actos

Pero a festas seguen, e con bo tempo. Hoxe, hai misa solemne ás 12.00 presidida polo bispo de Mondoñedo, procesión, sesión concerto a partir das 14.30 horas coa Banda Municipal de Ribadeo e a Orquestra Caramelo e, pola noite, verbena con Caramelo e Matiné.

O sábado soará a música de Atenas e Pekados e haberá exhibición de baile e, o domingo, rematarán as festas con Fénix e con xogos infantís gratis.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«Crisis» superada na sesión vermú das Festas do Oito