Cando Iván Cao, «Lucas» tomou as rendas do equipo feminino do Burela moitos pensaron que era unha aposta arriscadada. Un adestrador novo, da casa e sen experiencia na élite. Pero o tempo comeza a dar a razón aos dirixentes laranxas e hoxe Lucas é campión galego e supercampión de España.
-De Terceira a ser supercampión de España, quen llo ía dicir hai medio aniño...
-Ao final é o que desexamos tódolos adestradores. Ir progresando pouco a pouco, máis sendo no club da casa, onde te formaches. Chegar ao máis alto co Burela é unha gran alegría.
-Foron os da primeira metade os mellores minutos dende que adestra a este equipo?
-Durante a pasada campaña houbo moito momentos dun nivel altísimo. Pero está claro que a primeira metade foi boísima e máis tendo en contra que enfronte tíñamos ás mellores.
-Que pasou nese comezo da segunda parte?
-Elas mostraron o potencial que teñen. Nós tíñamos un resultado moi favorable e creáronnos moito perigo con Ari e Ju, especialmente.
-Chegou a velo perdido?
-Está claro que con 4-3 se puxo moi complicado e xurdiron as dúbidas. Pero creo dende o minuto un neste equipo e nestas rapazas e nas súas posibilidades.
IVÁN CAO, LUCAS ENTRENADOR burelista
«Tódolos adestradores desexamos ir progresando... máis sendo no club
onde un se formou»
ESPECIAL SUPERCOPA DE ESPAÑA