«Trouxemos a La Guardia e a Celtas Cortos e este ano a Revólver»

O concerto do grupo de Carlos Goñi abrirá mañá as citas patronais locais


5, 4, 3, 2, 1... ¡Chegan as festas do Conde Santo en Lourenzá! Arrancarán mañá, venres, da man da asociación que leva o mesmo nome que a cita, baixo a presidencia de Noé Recalde e integrada por un grupo de rapaces que hai uns anos decidiron que a vila non podía quedar sen festa.

-A asociación creouse para organizar o Conde Santo.

-Somos un grupo de rapaces e rapazas, todos do pobo. O maior terá uns 33 anos e o máis xoven 24. Empezamos a formar a asociación cando quedáramos sen festas patronais. Pero tamén facemos teatro no inverno, o antroido, unha festa temática... distintas actividades para ir sacando cartos para as festas patronais.

-¿Como lembra aquel ano no que non houbera festa local?

-As anteriores comisións foranse desgastando. Un ano ofrecérase a vir Vivarium gratis. Fora o peor ano, non houbera festa.

-Hoxe en día, a verdade, non o teñen fácil os das comisións.

-Bota para atrás por todos os requisitos e problemas que poñen as institucións para facer os eventos. Aquí cada un de nós tén o seu traballo ou está estudando pero hai que estar pendiente de mandar os papeis. Pero, entendemos, ten que haber un control.

-Este venres arrancarán forte, co concerto de Revólver.

-Hai 20 anos había moi boas festas. Viñera Manolo Escolar (eu debía ter doce anos), María Jímenez... e quixemos recuperar iso. Así que no noso primeiro ano trouxemos a La Guardia, o ano pasado a Celtas Cortos e este Revólver. Co de Celtas Cortos tivemos máis de 4.000 personas, o campo a tope. Fixeran tres cuartos de hora máis de concerto. A verdade é que estamos contentos e damos as grazas ao pobo de Lourenzá, veciños, comercios. E estamos abertos a quen queira meterse na asociación. Toda axuda é ben recibida. Queremos que veña moita xente a Lourenzá.

NOÉ RECALDE presidente da asociación conde santo de lourenzá

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

«Trouxemos a La Guardia e a Celtas Cortos e este ano a Revólver»