Actuar para mellorar o futuro da Mariña

SERGIO LÓPEZ GARCÍA ECONOMISTA

A MARIÑA

Festas, romarías e festivais, como por exemplo o Resurrection Fest, teñen unha alta capacidade de atraer e de sorprender aos visitantes.
Festas, romarías e festivais, como por exemplo o Resurrection Fest, teñen unha alta capacidade de atraer e de sorprender aos visitantes. x. f. r.

19 ene 2015 . Actualizado a las 13:36 h.

Avaliar as potencialidades socioeconómicas da Mariña a curto e medio prazo pasa por analizar a situación actual, a nosa estructura económica, social e demográfica. A crise económica e financieira vén de destruir unha parte importante do entramado empresarial, e que a maioría das empresas de tamaño medio, sobre todo vinculadas coa construcción-promoción ou coa industria, desapareceron ou, no mellor dos casos, sudan «sangue» para sobrevivir. O pequeno comercio, o máis numeroso, sofre unha longa e constante crise de supervivencia e necesaria evolución, si ben nos últimos meses xurdiron novas iniciativas que compensaron (e incluso sobrepasaron, en algunhas vilas) os peches, o que parece pode invertir a situación.

As nosas realidades

No tocante ás empresas, temos un entramado maioritario de microempresas familiares nos múltiples subsectores, que nos permiten (vista a comarca como un todo) ter unha grande variedade de alternativas e non unha dependencia única, aínda que un «catarro» en Alcoa ou na pesca pode provocar unha «pulmonía» na comarca.

No sector primario, suliñar a pesca extractiva en Burela e Celeiro; a agrogandeiría e o leite na zona máis oriental, como Ribadeo, Barreiros ou Trabada; a de horta en Lourenzá e Mondoñedo; e tamén o forestal, unha riqueza por toda A Mariña, especialmente na zona rural máis ó sur, e que é máis importante nos concellos do interior