A Deputada de Medio Ambiente e Enerxías Renovables, Sonsoles López Izquierdo, presentou onte a cuarta edición de Termalismo no Camiño. Con ela, o organismo provincial ofrece descontos de 50 euros para tratamentos termais nos balnearios de Lugo, Pantón e Palas de Rei. A Deputación invertiu para isto un total de 60.000 euros en fondos europeos que serven para ofrecer outras 1.200 prazas subvencionadas. Segundo explicou López Izquierdo, «con isto acadamos as 4.200 prazas subvencionadas, tras o éxito das anteriores das anteriores edicións, nas que participaron preto de 3.000 persoas. Impulsamos o benestar e o turismo termal, que xera riqueza e emprego no rural». A López Izquierdo acompañárona representantes dos balnearios beneficiados, que quixeron agradecer á Deputación a súa aposta polo termalismo.
Os interesados en beneficiarse deste programa poderán inscribirse en agosto na web da Deputación de Lugo ou chamando ao 982 260 075.