A Mariña, unida pola lingua galega

Un dos actos de hoxe é o Correlingua, que se celebra en Mondoñedo


mondoñedo / la voz

Mañá será o Día das Letras Galegas, unha data que se leva conmemorando xa dende hai días na Mariña. Na véspera á xornada principal dedicada este ano a Roberto Vidal Bolaño, un dos centrais será o Correlingua, en Mondoñedo nesta ocasión, baixo a coordinación de Dores Fernández Abel. Un millar de alumnos correrán pero sen carácter competitivo en defensa da lingua galega, a través dun percorrido que arrancará ás 11.00 horas da avenida de Bos Aires para chegar á Praza da Catedral. Unha vez alí, o remate do Correlingua contará coas actuacións de escolares, o actor Pepe Penabade e a cantante Lidia Botana, unha das gañadoras do concurso.

Os centros partícipes do Correlingua, de secundaria, son os IES San Rosendo de Mondoñedo, de Ribadeo, Foz, Alfoz-Valadouro, Perdouro e Monte Castelo de Burela, Illa de Sarón de Xove e María Sarmiento de Viveiro e, de infantil e primaria, os Ceip de Cervo, Martínez Otero, Fondo Nois e o Cantel de Foz, San Miguel de Reinante de Barreiros e o mindoniense Álvaro Cunqueiro.

Fan posible o Correlingua os equipos de Normalización Lingüística deses centros, máis o Concello de Mondoñedo xunto con Ourense, Vigo, Pontevedra e Lugo, a Vicepresidencia Primeira da Deputación, a Mesa pola Normalización Lingüística, a Asociación Socio-Pedagóxica Galega e CIG-Ensino.

No outro extremo da Mariña, en Ribadeo, hoxe segue a festa do galego coa presenza do monologuista Celso F. Sanmartín ás 21.00 no Teatro recreando «o cotián desde a tenrura e a retranca» en Contos que non falten e coa promoción da literatura galega a través das librarías que farán descontos e entregarán un caravel vermello e un marcapáxinas coa figura do dramaturgo. Organiza a Agrupación Cultural Francisco Lanza.

As Letras Galegas tamén son as protagonistas a través da exposición bibliográfica centrada no homenaxeado do 2013, «figura imprescindible para coñecer a dimensión do teatro galego», sinalan, que se pode ver na Biblioteca Pública de Burela, de 9 a 13 e de 17 a 20 horas. En este concello, el Anpa del Virxe do Carme ha organizado para hoy, día 16, a las 18.00 horas una obra de teatro. Será en la Casa da Cultura y actuarán alumnos del colegio. La entrada es libre.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

A Mariña, unida pola lingua galega