O focense que ensina canto tradicional en Oxford

Mano Panforreteiro estrea un espectáculo que combina inglés, alemán e galego


foz / la voz

O focense Mano Panforreteiro cambiou de residencia en xaneiro do 2010. Asentouse en Oxford, onde se adica a dar cursos de música, a actuar, a compoñer... En días pasados foi noticia por ser un dos creadores (xunto con Sabine Müller) dun espectáculo músico-teatral con poemas de Bertolt Brecht e música de Hanns Eisler, que se estreou o 1 deste mes. Leva por título I hear that in New York e combina a música con proxeccións, danza e tres idiomas: o alemán, o inglés e o galego.

O creador mariñano adica parte do seu tempo a impartir un curso de canto tradicional e pandeira, organizado por Queen´s College da University of Oxford, dentro da programación do Centre for Galician Studies, ademais de compoñer a música para o último espectáculo da compañía teatral Elefante Elegante; de desenrolar o seu proxecto artístico Miraquenvén e de aportar parte da súa enerxía ao dúo Manamaná (coa saxofonista belga Anne Gennen). Non se esquence de Kibitka «o meu proxecto máis grande e traballoso, con moitas gañas de ter concertos e moitas dificultades para conseguilos».

Ademais de participar como invitado hai uns días na School of Oriental and African Studies coa ponencia The Galician Bagpipes: a seductive nation, o focense Mano Panforreteiro deu o ano pasado un obradoiro sobre música na universidade de Birmingham; a segunda parte ten previsto impartila a partir de abril.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
32 votos
Tags

O focense que ensina canto tradicional en Oxford