A loita de cinco equipos polos tres primeiros postos centrará a atención na vixésima xornada
A MARIÑA
A parte alta da táboa clasificatoria do grupo duodécimo de Terceira Autonómica acapara toda a atención. Na loita polos postos de ascenso atópanse cinco equipos e a diferenza entre o primeiro e o quinto é de cinco puntos.
En canto á representación mariñá, o Candelaria tentará seguir no terceiro posto que ocupa. Enfrontaranse o domingo a domicilio ao Codesido, un equipo que viaxa no sexto posto a dez puntos. Pola súa banda, o Sporting Pontenova continuará o seu asalto a un deses tres primeiros postosna cancha do Luis Pimentel (Ás Gándaras, 20 horas), que pecha o grupo que loitará polas prazas de ascenso. Os lugueses están a un punto dos da Pontenova e a tres do Candelaria.
O líder Meira xogará mañá en Ourol diante do equipo local. Finalmente, o Celta Barreiros medirase ao Momán mañá na súa cancha (16.15 horas).