Secciones

Tu edición

Os concellos do Salnés recadaron 21 millóns de euros no 2017 a través do ORAL

A cifra corresponde a ingresos de impostos e taxas

La Voz de Galicia

Os concellos do Salnés que teñen delegada a súa xestión tributaria no servizo ORAL da Deputación recibiron máis de 21 millóns de euros da recadación das súas taxas e impostos do ano 2017, segundo informou o deputado Carlos Font en rolda de prensa. No Salnés son nove concellos os que teñen delegada a xestión tributaria no oficina de recadación: Cambados ingresou 3.783.930 euros, O Grove 402.556, A Illa de Arousa 165.497,04, Meaño 1.218.563, Meis 1.412.484, Ribadumia 1.576.969, Sanxenxo 9.664.232, Vilagarcía 179.364,54 e Vilanova de Arousa 3.151.830 euros.

Carlos Font tamén informou dos primeiros datos do proceso de regularización catastral que se está a realizar nos concellos da provincia «a imposición do anterior ministro Montoro, que obrigou aos municipios a enfrontar a revisión».

 

Revisión catastral

Naqueles concellos que teñen delegada a xestión deste imposto, e onde así o solicitaron os concellos, se estableceu un punto de atención para atender, asesorar e axudar ás persoas para entender as notificacións que lles chegaron do Ministerio de Facenda, e para que presentasen as alegacións ou recursos pertinentes a eses documentos que o Ministerio lles remitiu.

Teads fallback - Discover inRead by Teads!

No de Cambados atendéronse a 1.718 persoas afectadas pola revisión, 261 en Ribadumia, 1.123 en Sanxenxo, 53 en Meaño e 281 en Cambados. Ademais, presentáronse 477 comparecencias é dicir, alegacións ou recursos a este proceso de regularización catastral, 70 en Ribadumia, 339 en Sanxenxo, 12 en Meaño e 56 en Cambados.

Tags: Cambados A Illa de Arousa Sanxenxo Ribadumia Meaño Vilanova de Arousa Vilagarcía de Arousa Meis O Grove Comarca do Salnés Cristóbal Montoro Consellería de Facenda
Ver Comentarios