«Coa compresión non tes consciencia dos graves e dos agudos, xa que non adquiren as frecuencias»

Eloi Caldeiro é músico, poeta e director da discográfica Sons Galiza Música. Como bo melómano considera que a música «é un ben cultural» e intenta «que se aprecie como debe de ser». Recoñece que existe un proceso de cambio no que todo o mundo debe adaptarse.

-¿Como ve a situación actual da música?

-Nunca se escoitou tanta música como agora e nunca se utilizaron tantos medios en peores condicións. Por un lado, os estudos profesionais invisten moitos cartos e gravan en bos estudos e, por outro, a música escóitase cada vez peor.

-¿Cal é o problema?

-Non se utilizan os medios apropiados. Agora se emplean o ordenador e os cascos e isto supón unha perda de medios e é peor a percepción que temos da música. Os grupos, o que facemos é utilizar grandes medios para que o oínte poida disfrutrala.

-¿A comprensión inflúe no son?

-Coa compresión non se aprecia tan ben, o cedé é moito máis frío que o vinilo e cando se comprime e cos altavoces pírricos hai un problema que é que non tes consciencia dos graves e dos agudos, xa que non adquiren as frecuencias. Todo o que esté comprimido perde moita calidade porque almacenas moita música. A propia industria xera estes aparatos porque necesitan vender cousas novas.

-¿Vinilo ou cedé?

-Eu apunto tanto polo vinilo como polo cedé sempre e cando haxa uns bos altavoces e non un ordenador polo medio.

-¿Pódese falar dunha segunda xeración do vinilo?

-Penso que hai unha volta importante. A maioría das fábricas de vinilo desapareceron polo cedé e agora as ventas do disco compacto son máis baixas. Ademais agora con Internet hai a posibilidade de baixarte gratis a música que queiras e isto o que fixo foi mudar moito a velocidade de venta.