Papá, papá... por que pagamos impostos

Xa pasara moito tempo entre os Houyhnhnm, pero non deixaba de marabillarme esa sociedade pacífica e ideal que conseguiran construír.

Unha mañá, mentres contemplaba como os Houyhnhnm solucionaban unha pequena disputa, tomei conciencia de que podería axudar moito aos meus pequenos amigos de Lilliput ensinándolles os preceptos que aprendera nesta última viaxe.?Ao día seguinte decidín partir. Foi unha mañá fría, difícil de encarar. Dicir adeus aos meus compañeiros era difícil e a viaxe ata Lilliput sería dura, pero poder cumprir a miña nova misión era suficiente aliciente para superala.?Mildendo seguía sendo a populosa cidade que recordaba, e pronto fun consciente de que os seus habitantes seguían encerellados nas súas absurdas discusións. Achegueime a dous moradores, que parecían discutir por cuestións de diñeiro. Pregunteilles que ocorría.?-Home-Montaña, o que sucede é que este que aquí ves, por ser amigo do monarca, está protexido contra os ataques dos nosos veciños e é por iso que a súa granxa é próspera.

Mentres, eu teño que replantar case cada semana as miñas terras, porque eses vándalos destrúenmas cando teñen a máis mínima oportunidade. Agora, el é rico e poderoso e os seus fillos poderán facer carreira e triunfar. Eu, en cambio, son pobre e apenas teño con que alimentar aos meus.?-Entendo iso que dis, pequeno amigo. Tal e como eu o vexo? e polo que me contas. O teu compatriota beneficiouse dunha protección, que lle permitiu enriquecerse e vivir desafogadamente. En cambio ti, desprotexido quedaches. E é por iso que non puideches alcanzar os teus obxectivos.?-Así é? Iso é o que eu dicía??-Pois, o xusto é que ambos recibades igual ou similar protección e tamén que paguedes por ela ao rei. Porque esa protección benefíciavos??-Pero, Home-Montaña, por que haberei de pagar eu, que nada teño, igual que el, que tanto ten??-A túa pregunta é sabia, o meu bo amigo. Obviamente non haberedes de pagar igual. Pagará máis o que máis teña e poida pagar, porque este é o que máis se beneficia ou beneficiou da protección que o rei lle brinda.?E esa, filla miña, é unha das razóns pola que pagamos impostos...